Dele Alli po stërvitet te Como e Fabregasit
- Bota Sot
Dele Alli po stërvitet te Como e Fabregasit, e konfirmon spanjolli: Ai është me ne dhe jemi të gatshëm ta ndihmojmë
Futbollisti i “zhdukur”, Dele Alli është duke u stërvitur te skuadra e Como-s para se të gjejë ndonjë skuadër në afatin kalimtar të dimrit.
Trajneri i klubit nga Serie A, Cesc Fabregas përmes një interviste e ka konfirmuar se mesfushori anglez është duke punuar me ekipin e tij.
Fabregas thotë se Dele Alli për momentin vetëm është duke punuar me skuadrën e Comos, por rreth ndonjë transferimi të mundshëm nuk ka asgjë konkrete.
“Ai është duke u stërvitur me ne. Dele po ndihet shumë mirë. Ai është një lojtar fantastik. Nëse ne do i ndihmojmë atij, do isha shumë i lumtur. Për momentin ai vetëm po stërvitet me ne”, u shpreh Cesc Fabregas.
Ish-lojtari i Tottenham Hotspur nuk ka luajtur futboll qysh nga shkurti i vitit 2023, sa ishte pjesë e Besiktasit.
