Te Napoli shijojnë sërish kryesimin

Napoli u rikthye i vetëm në krye të Serie A pas fitores 3-0 në fushën e Fiorentina.

Një rezultat që flet qartë për momentin e mirë që po kanon skuadra e trajnerit Antonio Conte.

Ai nuk foli për mediat pas ndeshjes, pasi mori vesh lajmin për ndarjen nga jeta të vogëlushit Daniele, një tifoz i ri i Napolit, i cili ishte sëmurë prej disa kohësh. Ndërsa zëvendësi i tij Stellini komentoi fitoren.

“Djemtë tanë janë duke punuar shumë mirë, ndaj ne jemi krenarë për atë që po bëjmë. Grumbulluam 44 pikë në 19 takimet e para, ndaj urime për djemtë që po rriten nga gara në garë”, tha Stellini.

“Kjo është një fitore shumë e rëndësishme. Luajtëm në një fushë të vështirë dhe kishim disa mungesa. Kjo fitore na jep shumë energji, pasi rruga është e gjatë dhe ne duhet të tregojmë pjekurinë tonë në fushë”, shtoi Stellini.