Rinovon brenda javës me Bajernin

Kontrata e Bajernit me Alfonso Dejvis po hyn në fazën e saj “të nxehtë”. Sipas raporteve aktuale, diskutimet e mëtejshme mes palës së lojtarëve dhe skuadrës së Mynihut do të zhvillohen këtë javë.

Prandaj, drejtuesit e Bajernit shpresojnë që zgjatja me 24-vjeçarin kanadez më në fund të finalizohet. Ka pasur thashetheme dhe spekulime të shumta gjatë një viti e gjysmë së fundi. Mbrojtësi i majtë është lidhur shumë me një kalim te Real Madrid.

Klube të tjera kryesore, përfshirë Mançester Junajtid, së fundmi janë lidhur me kanadezin. Nën drejtimin e Vinsent Kompani, Dejvis është zhvilluar edhe një herë në një top performues absolut për bavarezët këtë sezon.

Trajneri belg me të vërtetë dëshiron të mbajë mbrojtësin e krahut. Javët e fundit ka pasur raportime në rritje se klubi dhe lojtarët janë afruar sërish me synimin për një zgjatje. Një përfundim duket i arritshëm.

Siç raporton “BILD”, kontrata me Alfonson po hyn në fazën e tij “të nxehtë”. Po sipas burimit të mësipërm, agjenti i tij Nik Huzeh është në Mynih këtë javë për të zhvilluar bisedime të mëtejshme me Bajernin. Këto mund të jenë negociatat përfundimtare të kontratës.

Sipas informacioneve të “BILD”, Maks Eberl dhe Kristof Frojnd janë shumë optimist që më në fund të arrijnë të bien dakord për një kontratë të re me mbrojtësin e majtë. Gazetari i “Sky”, Florian Pletenberg konfirmoi raportin e “BILD”: “Dejvis është gati të nënshkruajë një zgjatje të kontratës afatgjatë me Bajernin”, shkroi ai në platformën “X”.

Ajo që është gjithashtu interesante përkon me faktin se zgjatja me Dejvis mund të jetë “domino” për disa kontrata të rëndësishme që rekordmenët e Gjermanisë dëshirojnë të zgjasin, duke përfshirë Xhamal Musiala dhe Joshua Kimish. Musiala konsiderohet një mik shumë i ngushtë i kanadezit. Alfonso është i lidhur vetëm kontraktualisht me bavarezët deri në fund të edicionit. Nëse Bajern Mynih nuk arrin një marrëveshje, ekziston rreziku i një transferimi falas në verë. Ky do të ishte skenari më i keq për bavarezët, por shanset që diçka e tillë të ndodhë janë thuajse inekzistente.