Laçi lë pas humbjen me Egnatian, kurbinasit fokusohen te derbi i mesjavës

Laçi duket se e ka harruar disi humbjen në ndeshjen e fundit në kampionat përballë Egnatias.

Kurbinasit u mposhtën me rezultatin minimal 1-0, por tashmë kanë lënë pas atë disfatë dhe po shohin përpara.

Në mesjavë, kurbinasit i pret një derbi përballë Kukësit.

Derbi i veriut këtë herë nuk do të jetë në kampionat, por në Kupën e Shqipërisë, sfidë e vlefshme për raundin e 1/8-ave.

Është vetë klubi i Laçit që ka rikujtuar të gjithë për këtë sfidë. Kurbinasit e cilësojnë këtë sfidë si ‘të radhës’, teksa pritet të jetë më të qetë pasi luajnë në shtëpinë e tyre.