Celestini flet për Xherdan Shaqirin! Mediumi zviceran: Xhaka do ta dorëzojë shiritin e kapitenit!

Xherdan Shaqiri është kapiten i ri i skuadrës së Baselit, që synon titullin e kampionit në Zvicër.

Mediumi zviceren “Blick” i ka kushtuar një shkrim interesant Taulant Xhakës. 

“Iku shiriti i kapitenit, së shpejti konkurrenti i ri?

Pas vetëm gjysmë viti, Taulant Xhaka (33 vjeç) do t’ia dorëzojë shiritin e kapitenit Xherdan Shaqirit (33 vjeç). Një sezon i vështirë deri më tani mund të bëhet shumë shpejt edhe më i komplikuar për veteranin e Baselit.

Siç njoftoi FCB të shtunën gjatë ndeshjes miqësore kundër FC Thun (2:0), kapiteni i ri i FC Baselit tani është Xherdan Shaqiri. Vetëm pak muaj pasi pasoi rekordmenin e FC Baselit, Fabian Frei (36 vjeç)”, shkruan mediumi zviceran. 

Xhaka do të kthehet në prapavijë. Ishte një masë që ai e kishte pasur parasysh që nga kthimi i Shaqirit, shpjegon Fabio Celestini.

“Shaqiri është padyshim numri një në ekip për sa i përket përvojës dhe cilësisë. Është logjike që ai të bëhet kapiten”, tha trajneri i FC Baselit.

Të gjithë kapitenët e FC Baselit që nga 2003/2004

Murat Yakin 2003 – 2006
Ivan Ergic 2006 – 2008
Franco Costanzo 2008 – 2011
Marco Streller 2011 – 2015
Matias Delgado 2015 – 2017
Marek Suchy 2017 - 2019
Valentin Stocker 2019 – 2022
Fabian Frei 2022 – 2024
Taulant Xhaka 2024 – 2025
Xherdan Shaqiri 2025