Metin Qerimi ndanë rrugët me Vardar Negotinën
- Bota Sot
Metin Qerimi edhe zyrtarisht i ka dhënë fund qëndrimit të tij te skuadra e Ligës së Dytë maqedone, Vardar Negotino, pjesë e së cilës ishte 6 muajt e fundit.
Mesfushori shkupjan te kjo skuadër ishte transferuar nga rradhët e Shkëndijës së Haraçinës, ndërsa gjatë karrierës së tij i njëjti kishte luajtur edhe me BVK Konjari, skuadrën e Bratstvo Zhitoshe që luante atë kohë në Ligën e Dytë, Voska Sport dhe Skopjen.
22-vjeçari Qerimi gjithashtu ka bërë karrierë edhe në Zvicër, duke luajtur me skuadrën e FC Monthey.
Ai për momentin po shqyrton disa nga ofertat që i kanë ardhur nga ekipet vendase, por edhe ato nga Kosova, ashtu që shumë shpejtë pritet të vendos se ku do të vijoj karrierën.
