Flick i kënaqur me ndryshimet taktike të Barcelonës

Barcelona vazhdoi fillimin e jashtëzakonshëm të vitit 2025 të mërkurën me një fitore mbresëlënëse 5-1 ndaj Real Betis, dhe këtë e arriti pa Robert Lewandowskin, i cili u pushua për këtë ndeshje.

Në vend të tij, Dani Olmo luajti si një “false nine”, dhe shkëlqeu në këtë rol, duke dhënë dy asistime gjatë mbrëmjes.

Trajneri Hansi Flick ishte shumë i kënaqur me ndryshimin taktik, siç deklaroi në konferencën për shtyp pas ndeshjes (përmes Sport).

“Dani di të luajë në mënyrë perfekte si një ‘9’, ashtu siç ka bërë edhe me kombëtaren spanjolle. Kam folur me të.

Lewandowski nuk ishte një opsion për sot. Plani funksionoi mirë. Ju gjithashtu keni parë që kemi pasur kontroll në mesfushë, ishte shumë kënaqësi ta shihnim.”