Laçi “frikëson” Elbasanin

Laçi do të luajë një ndeshje mjaft delikate në Superiore, teksa do të sfidojë në transfertë Elbasanin.

Takim që do të luhet ditën e dielë në orën 17:00 në “Elbasan Arena”.

Francesco Moriero nuk do të tolerojë më hapa fals në kampionat, ndërsa ka nisur intensivisht përgatitjet për këtë duel.

Timonieri italian merr lajme të mira para kësaj sfide.

Rikthime të rëndësishme ka në ekip dhe kjo shton forcat e bardhezinjve ndaj kundërshtarit të tyre.

Kështu do të jenë të gatshëm Limën dhe Mjakin. Të dy lojtarët do të marrin vendin e tyre në formacion duke shtuar kështu mundësinë e zgjedhjeve për Morieron.

Por siç dihet tashmë Morioero do të bëjë pa Melon në Elbasan. Braziliani është i pezulluar nga Komisioni i Etikës dhe Disiplinës. Kujtojmë se Laçi aktualisht mban vendin e 8të në tabelën e klasifikimit me 20 pikë, 2 më shumë se Tirana dhe 3 më pak se Teuta.