Gary Neville vazhdon kritikat e ashpra për yllin e Chelseat
- Bota Sot
Gary Neville argumenton se ndeshja kundër Manchester Cityt ka dëshmuar nevojën e Chelseat për një portier të ri nëse ata duan të konkurrojnë për trofe.
Legjenda angleze ka vazhduar me kritikat e tij për portierin spanjoll Robert Sanchez, duke i bërë thirrje drejtuesve të Chelseat për të nënshkruar me një portier të ri.
“Çfarë është duke bërë?” Neville tha për veprimet e Robert Sanchez që çuan në golin e dytë të Man City.
“Dua të them se ai po bën shumë gabime dhe mbaj mend disa vite më parë që isha mjaft i ashpër me Karius në Liverpool kur ai po kalonte periudhën e njëjtë dhe bënte gabime”.
“Liverpooli ishte një ekip që po rritej në një pikë ku mund të fitonte titullin, por ata nuk do të kishin fituar një titull me Karius në portë, sepse ai po bënte shumë gabime”.
“Është një pozicion shumë i rëndësishëm dhe mendoj se Chelsea në këtë moment në kohë do të duhet të shikojë portierin e tyre”.
“Është e qartë sepse ai po bën shumë gabime, javë pas jave. Ai ia del pas disa javësh, por sot ai nuk ia ka dalë mbanë. Ishte një pikë kthese e vogël në lojë”, deklaroi legjenda angleze.
Chelsea është lidhur me transferimin e portierit zviceran Gregory Kobel nga Borussia Dortmund.
