Reali i Madridit problem

Profili është i duhuri. I ri, me të ardhme, i fortë teknikisht dhe gati fizikisht.

Kandidatura e Niko Paz është në linjë të plotë me politikën që ka vendosur “Oaktree” në muajt e fundit.

Dhe në fakt është në krye të listës së vogël që ka Interi. Ndikimi në Serinë A, i spanjollit të natyralizuar argjentinas ka qenë i shkëlqyer.

Ka shënuar 4 gola dhe 4 asiste në 19 ndeshje. Dhe ta mendosh që është eksperienca e parë mes profesionistëve.

Sepse përpara këtij viti, Paz ka luajtur vetëm në skuadrën e të rinjve të Realit të Madridit.

Nga aty u transferua për 6 milionë euro dhe 50% të rishitjes së kartonit të tij. Për më tepër Reali ka një klauzolë për riblerjen e Paz, afro 9 milionë euro.

Kjo është një nga arsyet pse transferimi i tij tek Interi është shumë i vështirë. Megjithatë, zikaltrit kanë disa karta që do t’i përdorin. Nga tani deri në verë pritet që të bëjnë lëvizje të shumta për të sfiduar edhe vetë Realin e Madridit.

ZHVILLIMET- Ndeshjet pozitive deri tani të Niko Pazit kanë tërhequr vëmendjen e shumë skuadrave të mëdha të Europës. Problemi kryesor është që ka një klauzolë nga Reali për ta riblerë. Dhe duket e vështirë që Florentino Perez të mos e aktivizojë këtë. Megjithatë, opsioni për të kaluar tek Interi mund ta tërheqë më shumë lojtarin e vitit 2004. Te Reali nuk do ta niste si titullar, në një skuadër që ka lojtarë si Bellingam, Vinicius, Mbape apo Rodrigo. Edhe tek Interi konkurrenca është e madhe, por më e përballueshme sesa në Spanjë. Por historia ndryshon edhe në lidhje me trajnerin.

Nëse do të jetë Alonso atëherë ai do të ishte lojtari ideal në skemën 3-4- 2-1.

Zikaltrit mund të studiojnë një formulë të njëjtë si ajo që transferoi te Milanin, Brahim Diazin. Një operacion i njëjtë me atë që ka zgjedhur Komo në verë për Niko Pazin. Interi do ta kishte në skuadër për 2- 3 sezone dhe pastaj ai do të transferohej te Reali i Madridit. Në shënimet e Marotës dhe Auzilios, emri i tij është rrethuar me të kuqe. Nga java në javë ai është duke i bindur akoma më shumë drejtuesit e Interit që të bëjnë gjithçka për ta transferuar. Edhe në Milano bëri një paraqitje pozitive, pikërisht kundër zikaltërve.