Interes nga Kroacia, Italia e deri në Francë

Kevin Dodaj po përjeton momentin më fantastik të karrierës.

Paraqitjet e tij këtë sezon me Vllazninë kanë qenë të një niveli të lartë dhe për këtë arsye është kthyer në “çështje” këtë merkato.

Ditët në vijim me shumë mundësi do të jenë vendimtare për të ardhmen e 19-vjeçarit. Lens është një nga skuadrat që ka interes konkret për sulmuesin, megjithatë shumë skuadra të tjera e pëlqejnë Dodajn.

Interesi është rritur ndjeshëm, duke përfshirë këtu skuadra nga Italia dhe Kroacia.

Një ofertë e majmë pritet të mbërrijë te klubi i Vllaznisë nga momenti në moment dhe pritet të shihet ku do ta vazhdojë karrierën talenti i Kombëtares shqiptare U21.