Walker mund të debutojë kundër Interit

Kyle Walker mund ti jepet një shans i hershëm për të dëshmuar se sa e vlefshme mund të jetë shtimi i tij për Milanin për sa i përket karizmës dhe personalitetit, pasi trajneri Sergio Conceiçao thuhet se po konsideron ti japë anglezit debutimin e tij në “Derby della Madonnina” kundër Interit.

34-vjeçari iu bashkua kuqezinjve në huazim nga Manchester City javën e kaluar, dhe sipas “La Gazzetta dello Sport” seancat e tij të para stërvitore dhe testet fizike në Milanello e bindën shpejt menaxherin dhe stafin e tij se ai është gati të bëjë një ndikim të menjëhershëm. .

Reprezentuesi anglez nuk ka të drejtë të luajë në Ligën e Kampionëve, që do të thotë se ai do të humbasë ndeshjen finale të fazës së ligës së Milanit në Dinamo Zagreb në mesjavë dhe pritet të pushojë plotësisht për ndeshjen e ardhshme të Serie A, përcjellë KosovaPress.

Lëndimi i fundit i Emerson Royal kundër Gironas mund të hapë më tej rrugën për debutimin e Walker kundër Interit, veçanërisht pasi Davide Calabria, opsioni tjetër i mbrojtësit të djathtë në dispozicion të Conceiçao, u përfshi në një përballje të ashpër me trajnerin e tij në fund të ndeshjes së tyre në shtëpi kundër Parmës. .

Kuqezinjtë i kanë mposhtur tashmë dy herë kampionët në fuqi të Serie A Interin këtë sezon, duke fituar si takimin e tyre të ligës në shtator dhe finalen e Superkupës së Italisë në Riad në fillim të këtij muaji.