Alaba rikthehet me ritëm të plotë

Rikthimi gradual në fushë i David Alaba pas një dëmtimi të gjatë vijon te Real Madrid. Mbrojtësi austriak luajti 10 minuta si zëvendësues në fitoren 3-0 ndaj Brest, duke zëvendësuar Aurelien Tchouameni.

Por çfarë do të ndodhë me francezin tani që Alaba pritet të jetë titullar? Tchouameni shpesh është kritikuar për gabimet në mbrojtje, por ai ka mbështetjen e trajnerit Carlo Ancelotti, që ka të tjra plane për të.

“Unë mbetem i bindur se Tchouameni ka bërë mirë si qendërmbrojtës.

Të dhënat flasin vetë, duke marrë parasysh që nuk është pozicioni i tij ideal. Sapo të përfundojë emergjenca dhe Alaba do ët jetë në 100% të formës, ai do të kthehet në pozicionin e tij si mesfushor”, tha Ancelotti.

“Kemi nevojë për Tchouameni në mesfushë apo në mbrojtje, pasi sezoni është ende shumë i gjatë. Do të na duhet të luajmë më shumë në Champions, ndaj me kaq shumë ndeshje nevojiten të gjithë dhe në pozicione ku kemi nevojë”, tha trajneri italian.