Ish-ylli i Juventusit “ngre në qiell” zikaltrit

Claudio Marchisio, ish-mesfushori i Juventus-it, mendon se Inter-i është ndërtuar për të fituar Champions League.

Kjo deklaratë e mesfushorit italian vjen pas fitores së zikaltërve ndaj Monaco 3-0, duke mbyllur ne vendin e katërt fazën e parë të Champions League dhe duke u kualifikuar direkt për fazën e 1/8-ve.

“Inter është ndërtuar për të synuar fitimin e trofeut të Champions League, ashtu si dhe katër apo pesë ekipe të tjera që pretendojnë të njëjtën gjë si Real-i, Liverpool, Bayern… Janë i vetmi ekip italian në mesin e tetë më të mirëve.

Më pas, mbetet për t’u parë se çfarë do të ndodhë.

Tani do kenë mundësinë të fokusohen në kampionat dhe fakti që nuk do luajnë dy ndeshje shtesë në Champions, do i ndihmojë shumë”, tha Marchisio. Të premten do hidhet shorti i Champions League dhe zikaltërit do mësojnë kundërshtarin për 1/8-at.