Media zvicerane i jep jehonë ish futbollistit të njohur: Shkon të Kosova, golashënuesi i parë në histori

Albert Bunjaku, emër i njohur i futbollit, me pozitë të re dhe pritet shumë nga ai. 

“Ish - futbollisti i Kombëtares së Kosovës, i cili ishte pjesëmarrës edhe në Kampionatin Botëror 2010 me Kombëtaren A të Zvicrës dhe me karrierë edhe në Bundesligë, do të marrë drejtimin e kombëtares së Kosovës U19”, ka njoftuar FFK.

“Punë e re për Albert Bunjakun!

Albert Bunjaku (41 vjeç) ka luajtur për tre vjet në Superligë për ekipet e St. Gallenit dhe Schaffhausenit dhe ka luajtur për vite në Gjermani.

Ai e përfundoi karrierën e tij në vitin 2022 dhe për herë të fundit ka punuar në Bayer Leverkusen në departamentin e zhvillimit të të rinjve.

Tani ai (me shtetësi Zvicër – Kosovë) ka një punë të re:  tani është përgjegjës për kombëtaren e Kosovës U19. Ai e merr detyrën pas dorëheqjes së Adil Maliqit.

Si lojtar, Bunjaku luajti vetëm gjashtë ndeshje ndërkombëtare për Zvicrën dhe ishte gjithashtu pjesë e e saj në Kupën e Botës në Afrikën e Jugut në vitin 2010, para se të transferohej në Kosovë pasi u pranua nga FIFA në vitin 2016 dhe u bë golashënuesi i parë në histori atje”, ka shkruar mediumi zviceran “Blick”.