“Puthja e detyruar", Rubiales del sot para gjyqit

Ish-shefi i futbollit të Spanjës, Luis Rubiales do të dalë në gjyq sot për puthjen e detyruar që i dha futbollistes Jenni Hermoso. Rubiales provokoi zemërim mbarëbotëror pasi ai e shtrëngoi kokën e Hermosos dhe i dha asaj një puthje të pakërkuar pasi Spanja mundi Anglinë për të fituar Kupën e Botës për Femra 2023 në Australi.

Prokurorët po kërkojnë dy vjet e gjysmë burg për Rubiales, një vit për sulm seksual për puthjen e detyruar dhe 18 muaj për gjoja detyrimin e Hermosos për të minimizuar incidentin.

Puthja është dhënë “e papritur dhe pa pëlqimin apo pranimin e lojtares”, shkruan prokurori në aktakuzën e tyre..

“Presion i vazhdueshëm dhe i përsëritur u ushtrua drejtpërdrejt mbi lojtaren Jennifer Hermoso dhe përmes familjes dhe miqve të saj me qëllim që të justifikohej dhe të miratohej publikisht puthja që Luis Rubiales i dha asaj kundër dëshirës së saj”, shtoi ai.

Gjyqi i shumëpritur fillon në Gjykatën Kombëtare në San Fernando de Henares pranë Madridit në orën 10:00 dhe pritet të zgjasë deri më 19 shkurt.

Skandali që tronditi futbollin spanjoll dhe shkatërroi karrierën e Rubiales shpërtheu më 20 gusht 2023, momente pasi kombëtarja e femrave kishte fituar trofeun e Kupës së Botës në Sidnej.