Asnjë rinovim apo shitje në janar

Merkato e janarit te Liverpool ishte shumë e qetë edhe pse pati mjaft zëra, sidomos në lidhje me tri lojtarët kryesorë: Mohamed Salah, Trent Alexander-Arnold dhe Virgil van Dijk, që u skadon kontrata në fund të këtij sezoni.

Por asgjë nuk ndodhi. Kontratat e tyre nuk u rinovuan dhe nuk u larguan te ndonjë skuadër tjetër edhe pse kanë mjaft kërkesa. Tashmë ideja e të tri lojtarëve është e qartë: Do të largohen nga Liverpool në fund të sezonit nëse arrijnë titullin e Premier League.

Të tri do të largohen si lojtarë të lirë, pasi kontrata u skadon më 30 qershor. Mediat britanike konfirmojnë se lojtarët kanë refuzuar ofertat e bëra nga klubi, duke preferuar të largohen dhe këtë gjë duan ta bëjnë me kokën lart, me një titull kampion.

“Kur Liverpool fitoi titullin herën e fundit ishte periudha e Covid. Nuk është njësoj si sot, pasi atëherë askush nuk ishte aty. Të gjithë atje duan që Liverpool ta fitojë atë përsëri para tifozëve të tyre”, shkruajnë mediat britanike.

Liverpool ndodhet 6 pikë para Arsenal në renditje dhe me një ndeshje më pak, atë ndaj Everton që do ta luajë të mërkurën. Në rast se fiton, diferenca do të shkojë në 9 pikë, shumë për t’u menaxhuar me kujdes deri në fund.