Aliç: Shkëndija një kundërshtare e fortë me shumë individ cilësor

Skuadra e Sileksit do të zhvillojë një sfidë të madhe në Ligën e Parë të Futbollit të Maqedonisë (PMFL).

Rivali i radhës i ekipit të Kratovit do të jetë skuadra e Shkendijës, lideri i ri në futbollin vendor.

Golashënuesi i golit ndaj Tikveshit, Adi Aliç, ishte i lumtur për golin, por jo edhe për rezultatin.

“Jam i lumtur për golin që shënuam, por fatkeqësisht nuk arritëm të merrnim 3 pikët, që sigurisht nuk ishte rezultati që prisnim. Megjithatë, ne vazhdojmë të punojmë shumë dhe presim me padurim ndeshjen e radhës.

Sa i përket ndeshjes së ardhshme me Shkendijen, jemi të vetëdijshëm se përballemi me një sfidë të madhe ndaj rivalit tonë të drejtpërdrejtë për kryesimin e tabelës.

Ata kanë shumë individë cilësorë, por unë besoj në ekipin tonë dhe besoj se çdo lojtar do të japë maksimumin që të arrijmë një rezultat të mirë të dielën”, tha Aliç.

Ndeshja mes Shkendijës dhe Sileksit do të luhet të dielën në orën 14:00.