Messi do të vazhdojë kontratën me Interin

E ardhmja e Lionel Messit duket se është vendosur, me argjentinasin që do të mbetet larg Barcelonës.

Lionel Messi do të zgjasë qëndrimin e tij te skuadra amerikane Inter Majami, sipas asaj që ka njoftuar mediumi katalunas “Sport” .

Pavarësisht spekullimeve për një rikthim në Barcelonë, argjentinasi planifikon të vazhdojë në MLS. 37-vjeçari është përshtatur mirë me jetën në SHBA dhe pritet të rinovojë kontratën. Kanë dalë oferta nga klube të tjera, por ai preferon të qëndrojë me familjen e tij dhe të vazhdojë të konkurrojë në MLS.

Messi thuhet se ka vendosur për të ardhmen e tij dhe ai dëshiron të vazhdojë të shijojë futbollin në Majami. Koha e tij në Evropë duket se ka mbaruar, por ndikimi i tij mbetet i fortë.

Ai është i fokusuar në ndihmën e Inter Miamit dhe formësimit të së ardhmes së futbollit në SHBA.