Sulm me dron në Kharkiv, plagosen tetë persona

Një sulm me dron rus ka plagosur tetë persona, përfshirë një fëmijë shtatëvjeçar në qytetin e dytë më të madh të Ukrainë.

Kryetari i bashkisë së Kharkiv, Ihor Terekhov teksa konfirmoi lajmin u shpreh se droni goditi një pallat në orët e vona të mbrëmjes.

Ai la tre apartamente të dëmtuara dhe rreth 150 xhama të thyer.

Në total ushtria ukrainase thotë se ka rrëzuar 46 nga 83 dronët e lëshuar nga Rusia gjatë natës. 31 dronë të tjerë humbën dhe nuk arritën objektivat e tyre.