Juventusi ndeshet me Fiorentinën

Pas barazimit 2-2 në ndeshjen e parë të zhvilluar më 29 dhjetorin e kaluar, Fiorentina dhe Juventus mund të barazojnë të dyja sfidat e tyre sezonale në Serinë A për herë të dytë në 40 vitet e fundit, pas sezonit 2010/’11.

Juventus ka mbetur i pamposhtur në shtatë nga tetë ndeshjet e fundit kundër Fiorentinës në kampionat (4 fitore, 3 barazime). Fitorja e vetme e Fiorentinës në këtë periudhë është në 21 maj 2022 (2-0 në Franchi me golat e Alfred Dankan dhe Niko Gonzalez).

– Vetëm kundër Milanit (27), Fiorentina ka humbur më shumë ndeshje në shtëpi në Serinë A sesa kundër Juventusit (24), duke e mbyllur me 28 fitore të toskanëve dhe 33 barazime në 85 ndeshje të luajtura në shtëpinë e Fiorentinës.

– Nuk ka pasur asnjë barazim në tetë ndeshjet e fundit të Fiorentinës në kampionat (4 fitore, 4 humbje). Në përgjithësi, që nga fillimi i vitit 2025, asnjë skuadër nuk ka barazuar më pak ndeshje sesa Fiorentina në Serinë A. Një barazim në 11 ndeshje (në të njëjtën shifër me Monzën). Po ashtu, në vitin e ri solar, vetëm Monza (tetë) dhe Empoli (shtatë) kanë humbur më shumë ndeshje se Fiorentina në këtë kampionat.

– Pas humbjes 0-4 kundër Atalantës, Juventusi mund të humbasë dy ndeshje radhazi në Serinë A për herë të parë që nga shkurti 2024 (kundër Interit dhe Udinezes në atë rast).

– Juventusi ka fituar dy ndeshjet e fundit në transfertë në kampionat kundër Komos dhe Kaljarit, ndërsa bardhezinjtë nuk kanë arritur të fitojnë tri ndeshje radhazi jashtë fushe në Serinë A që nga periudha midis dhjetorit 2023 dhe janarit 2024. Bardhezinjtë janë gjithashtu skuadra që ka humbur më pak ndeshje jashtë fushe në këtë kampionat (vetëm një nga 13: 6 fitore, 6 barazime).

– Fiorentina është një nga dy ekipet, së bashku me Atalantën, që ka shënuar më shumë gola në 15 minutat e para të lojës (shtatë për të dyja) në këtë kampionat. Fiorentina është gjithashtu skuadra e vetme që nuk ka pranuar ende asnjë gol në çerek orën e parë të lojës gjatë këtij sezoni.

– Pas golit në ndeshjen e parë, Moise Ken mund të bëhet lojtari i tretë i Fiorentinës që shënon në të dyja ndeshjet e tij të para kundër Juventusit në Serinë A, që nga koha e tri pikëve për fitore (nga sezoni 1994/95), pas Josip Iliçiç (midis prillit dhe dhjetorit 2015) dhe Xhampaolo Pacinit (midis prillit dhe dhjetorit 2005).

– Dushan Vlahoviç ka shënuar 42 gola në 97 ndeshje me Juventusin në kampionat, me një mesatare prej një goli çdo 162 minuta dhe një përqindje realizimi prej 15% me bardhezinjtë. Gjatë periudhës së tij te Fiorentina, serbi kishte shënuar 44 gola në 98 ndeshje të Serisë A, me një gol çdo 146 minuta dhe një përqindje realizimi prej 19%.

– Pas dy golave në ndeshjen e parë Kefren Turam mund të bëhet vetëm lojtari i tretë i Juventusit që shënon në të dyja ndeshjet e tij të para kundër Fiorentinës në Serinë A që nga viti 2000, pas Gonzalo Higuain në sezonin 2016/17 dhe Mario Mandzukiç në sezonin 2015-‘16.