Macroni pas takimit me kryeministrin kanadez: Franca dhe Kanadaja janë “fuqitë e paqes”

Franca dhe Kanadaja janë “fuqitë e paqes” dhe do të vazhdojnë të qëndrojnë në krah të Ukrainës, tha presidenti francez Emmanuel Macron.

Gjatë një konference të përbashkët për shtyp mes Macron dhe kryeministrit kanadez Mark Carney, Macron shtoi se Kanadaja ka qenë në krah të Ukrainës dhe Evropës pa u lëkundur që nga fillimi i luftës.

Presidenti francez thotë gjithashtu se të dy vendet do të vazhdojnë të mbështesin Ukrainën dhe të kërkojnë “angazhime të qarta” nga Rusia, raporton BBC.

“Ne të dy qëndrojmë për sovranitetin dhe sigurinë… e demonstruar nga mbështetja jonë e palëkundur për Ukrainën”, thotë Carney, duke shtuar se në një krizë tani është shumë e rëndësishme që Kanadaja të forcojë lidhjet me partnerë të besueshëm.