Pse është përçarë Juventusi?

Dy senatorët italianë (Gati dhe Kambiazo), të përjashtuar nga formacioni titullar kundër Fiorentinës.

Dy nga sulmuesit më të mirë (Jildiz dhe Vlahoviç) u lanë në stol për 90 minuta, pavarësisht tre golave në disavantazh.

Për të mos folur për Kopmeiners, i cili u rikthye në fushë nga minuta e parë pas dy ndeshjesh në stol. Gjithashtu, edhe për episodet e kaluara që nga shiriti i kapitenit, i cili ka udhëtuar te shumë krahë të ndryshëm e deri te rastet e muajve të kaluar që kishin protagonistë Danilon dhe Faxholin (të dy të larguar në janar) ose vetë Vlahoviçin, që përfundoi në stol pas përplasjes me Motën në Arabinë Saudite.

Pas thirrjes së drejtorit sportiv, Kristiano Xhuntoli (“Do të vazhdojmë të gjithëve së bashku”) qëndron vetëdija për një distancim gjithnjë e më të madh mes ekipit dhe trajnerit italobrazilian. Nuk është se lojtarët humbën dhe u poshtëruan nga Atalanta dhe Fiorentina, sepse donin të luanin kundër Motës. Por shtatë golat e pësuar në dy ndeshjet e fundit janë një termometër i saktë i temperaturës në dhomën e zhveshjes në Kontinasa. Ato ngrirjet e vogla, muaj pas muaji, janë shndërruar në ftohtësi të madhe mes Tiagos dhe ekipit. Bardhezinjtë nuk vënë në dyshim idetë dhe profesionalizmin e trajnerit të Juventusit, madje shumë mendojnë se do të ketë një karrierë të rëndësishme, por prej kohësh është mbyllur periudha e dashurisë.

Mota është i drejtpërdrejtë dhe i sinqertë, kritikon individët gjithmonë përpara grupit dhe mënyrat e tij të ashpra e të rrepta po bëhen gjithnjë e më të bezdisshme për ekipin.

Por, në themel të distancës mes trajnerit dhe lojtarëve, që u bë e dukshme në mungesën e reagimit si kundër Atalantës, ashtu edhe kundër Fiorentinës (dhe më parë gjithashtu kundër Empolit në Kupën e Italisë dhe në Eindhoven), është një lidhje gjithnjë e më e dobët në nivelin emocional. Grupi bardhezi, dhe jo që nga Firence, ankohet për mungesën e empatisë së Motës.

Pesë fitoret radhazi kishin fshehur problemet, por nuk i kishin zgjidhur ato. Ajo që të gjithë i druheshin, se pesë fitoret radhazi ishin vetëm një moment reflektimi, tani duket se po realizohen.