Selektori i Islandës për humbjen në Prishtinë: Ishte një katastrofë

Arnar Gunnlaugsson është i kënaqur me atë që pa në ndeshjen e tij të parë si trajner i kombëtares së Islandës, por thotë se pesëmbëdhjetë minutat e para të pjesës së dytë ishin "një fatkeqësi e plotë". 

Islanda ka pësuar humbje me rezultat 2:1 nga Kosova në ndeshjen e parë të play-off-it për një vend në Ligën e Komebeve.

"Kishte shumë gjëra pozitive në këtë ndeshje dhe gjithashtu disa gabime, siç pritej.

Mendova se pjesa e parë ishte mjaft solide, ne shënuam një gol vërtet të bukur për mendimin tim. Lojë e mirë dhe e përfunduar mirë nga kapiteni ynë", tha ai transmeton mediumi islandez “Visir”.

“Ne kishim një kontroll të mirë të gjërave, por në pjesën e dytë, çereku i parë ishte një katastrofë e plotë. Ishim pak plogësht dhe nuk ishim mjaft agresivë.

Pra, të dyja skuadrat patën disa raste, por rezultati ishte një humbje, e cila është zhgënjyese, por kjo është vetëm ndeshja e parë dhe shpresojmë që të arrijmë një rezultat më të mirë të dielën”, tha selektori i Islandës.