Ora e Tokës, Kulla Eifel në Paris fik dritat

Dritat e Kullës Eifel, një nga monumentet më ikonike të Parisit, u fikën sonte për një orë si pjesë e ngjarjes vjetore "Ora e Tokës", e cila mbahet çdo mars për të rritur ndërgjegjësimin për ngrohjen globale.

Franca iu bashkua fushatës, të organizuar nga Fondi Botëror për Natyrën (WWF), duke fikur dritat e Kullës Eiffel në një gjest simbolik për të theksuar çështjet mjedisore, veçanërisht ndryshimet klimatike.

E njohur si një nga lëvizjet më të mëdha mjedisore në botë që nga 2007, Ora e Tokës synon këtë vit të tërheqë vëmendjen ndaj humbjes në rritje të ekosistemeve natyrore dhe krizës së përshkallëzuar të klimës, raporton AA.

Nisma inkurajon individët, bizneset dhe qeveritë në mbarë botën që të fikin dritat jo thelbësore për një orë për të promovuar qëndrueshmërinë dhe veprimet mjedisore.