“Papa Françesku u ofroi pica mjekëve dhe infermierëve që kujdeseshin për të në spital”, flet kreu i ekipit të mjekëve: Ai mund të mos ja dilte…

Profesor Sergio Alfieri, në një intervistë për gazetën italiane Corriere della Sera, iu referua periudhës së shtrimit në spital të Papës.

“ Papa Françesku u ofroi pica të gjithë mjekëve dhe infermierëve që e ndihmuan ”, tha kreu i ekipit të tij mjekësor.

Profesor Sergio Alfieri, kreu i ekipit mjekësor që trajtoi Papa Françeskun në spitalin Agostino Gemelli në Romë, në një intervistë për gazetën italiane Corriere della Sera iu referua periudhës së shtrimit në spital të Papës.

” Ne të gjithë e dinim se situata ishte përkeqësuar, se ai mund të mos ia dilte.” Prej disa ditësh ekzistonte rreziku i dëmtimit të veshkave dhe palcës, por trajtimet nuk i ndërpremë.

“Më pas, trupi i papës iu përgjigj trajtimeve dhe infeksioni i mushkërive filloi të qetësohej ,” tha profesori.

Siç shtoi Alfieri, gjatë një krize të frymëmarrjes të Papës, ” njerëzit përreth tij kishin lot në sy “, por ” ai vetë ishte gjithmonë i vetëdijshëm për atë që po ndodhte dhe pikërisht kjo e ndihmoi të qëndronte gjallë “.

Në fund, profesori i Poliklinikës Katolike, Agostino Gemelli, duke iu referuar forcës së Françeskut dhe rezultatit pozitiv të kësaj aventure të vështirë shëndetësore, theksoi:

” Trupi i tij është i lodhur, por mendja e tij funksionon sikur të ishte pesëdhjetë vjeç.” Ai e dëshmoi këtë gjatë javës së fundit të qëndrimit në spital. Sapo filloi të ndihej më mirë, ai kërkoi të vizitonte katin në të cilin ndodhej dhoma e tij.

Pastaj erdhi nata e picës: ai i dha para një kolegu të punës dhe i ofroi pica të gjithë stafit që e kishte ndihmuar atë ditë.

Përmirësimi i gjendjes së Papës ishte i vazhdueshëm dhe kuptova se ai kishte vendosur të kthehej në Vatikan, në bujtinë e Shën Martës, kur një mëngjes më tha: “Jam ende gjallë, kur do të shkojmë në shtëpi?” ».