Florentino Perezi vendos për të ardhmen e lojtarit të Realit

E ardhmja e Lucas Vázquez në Real Madrid duket se ka hyrë në fazën përfundimtare.

Pavarësisht rëndësisë së tij në dhomën e zhveshjes dhe faktit që është një nga lojtarët më me përvojë të klubit, Galiciani nuk ka garantuar vazhdimin e kontratës për sezonin e ardhshëm.

Florentino Pérez ka marrë tashmë vendimin për ta lënë jashtë pas përfundimit të këtij sezoni.

Mbrojtësi i djathtë, i cili do të mbushë 34 vjeç në verë, ka kontratën që mbaron në qershor dhe aktualisht nuk ka negociata aktive për rinovimin e saj.

Performanca e tij këtë sezon ka qenë e shoqëruar me ngritje dhe rënia, dhe as koha shtesë për t’u rikuperuar gjatë ndërprerjes ndërkombëtare nuk e ka ndihmuar të arrijë nivelin e pritur.

Carlo Ancelotti e zëvendësoi gjatë ndeshjes kundër Leganés (3-2), duke sjellë Fede Valverde si mbrojtës të improvizuar, një shenjë e qartë se ai nuk konsiderohet më një pjesë thelbësore e skuadrës.

Për më tepër, siç raportohet në DefensaCentral, nënshkrimi i afërt i Trent Alexander-Arnold forcon idenë që flanki i djathtë do të ndryshojë pronar shumë shpejt.

Anglezi do të arrijë për të pasuar pozitat e Vázquez dhe Dani Carvajal, i cili gjithashtu ka një të ardhme të pasigurt pas një lëndimi të rëndë.

Lucas ka pranuar publikisht se po shqyrton të gjitha opsionet, nga qëndrimi, kalimi në një ligë tjetër, apo edhe tërheqja nga futbolli.

Arabia Saudite, MLS dhe disa klube të tjera spanjolet si Mallorca dhe Espanyol kanë shfaqur tashmë interes.

Por gjithçka tregon se cikli i tij në Santiago Bernabéu po shkon drejt përfundimit pas një dekade dedikimi dhe profesionalizmi. Florentino ka bërë lëvizjen e tij dhe Lucas Vázquez do të duhet të zgjedhë destinacionin e tij të ardhshëm.