Illarramendi mendon se Sociedad mund ta përmbysë Real Madrid

Ish-mesfushori i Real Sociedad dhe Real Madrid, Asier Illarramendi, ka thënë se ndërsa ish-skuadrat e tij përballen në gjysmëfinalen e Kupës së Mbretit, Sodiedad mund të dalë fitues nga ndeshja.

Ai ka folur për "Flashscore" para ndeshjes së kthimit në gjysmëfinalen e Kupës së Mbretit mes dy skuadrave.

Ndeshja e sontme është përballja e dytë, derisa përballja e parë është fituar 1-0 nga skuadra e drejtuar prej trajnerit italian Carlo Ancelotti. 

“Në ndeshjen e parë, Andriy Lunin ishte lojtari më i mirë i ndeshjes dhe mbajti Real Madridin në lojë. Ekipi duhet të luajë ashtu siç di të luajë, sepse ka treguar në shumë raste se është në gjendje të bëjë gjëra të mëdha.

Gjithashtu, Real Sociedad ka fatin të ketë një trajner të shkëlqyer, i cili përveç koncepteve të tij taktike, është edhe një person që e di saktësisht si funksionon skuadra”, ka thënë Illarramendi.