Jeton Beqiri: Fitore e merituar dhe e dominuar

Trajneri i Shkëndijës, Jeton Beqiri, ka thënë për faqen e klubit se është i kënaqur me fitoren ndaj Brerës së Strumicës, dhe shtoi se skuadra e tij ishte dominuese në fushë.

Beqiri konsideron se Shkëndija ka mundur të festojë edhe më bindshëm.

“Mendoj se luajtëm në mënyrë dominuese dhe fituam me meritë. Nëse analizojmë ndeshjen, do të kuptojmë se kemi humbur disa raste të mira, por gjithsesi kemi arritur të fitojmë pikët”.

“Nëse nuk do të kishte ndodhur ajo penallti fatkeqe, mendoj se fitorja do të ishte edhe më bindëse. E dimë që nuk ka ndeshje të lehta, ndaj do të përgatitemi sa më mirë për çdo sfidë të radhës”.

“Synimi ynë është që deri në fund të kampionatit të fitojmë më shumë pikë se skuadrat e tjera dhe të rikthejmë titullin kampion”, tha Beqiri.

Shkendija tani ka 54 pikë, katër më shumë se Sileksi i vendit të dytë. Në javën e ardhshme, ata do të përballen me skuadrën e Tikveshit në Kavadar.