Alban Hoxha vlerëson Egnatian: Ndeshje e vështirë, por japim maksimumin

Egnatia dhe Partizani do të përballen këtë të enjte për të luajtur ndeshjen e vlefshme për gjysmëfinalen e parë mes tyre të Kupës së Shqipërisë. Sfida që do të zhvillohet në “Arena Egnatia”, nis në orën 19:00.

Krah trajnerit të Partizanit, Skënder Gega në konferencë përshtyp ishte edhe portieri Alban Hoxha. Ky i fundit tregon se rikthimi i Gegës si trajner ishte zgjedhje shumë e mirë nga Partizani.

Ndër të tjera, Hoxha vlerëson maksimalisht Egnatian.

Si e keni pritur rikthimin e Skënder Gegës?

Padiskutim që është zgjedhja më e mirë që klubi ka bërë, sepse është personi që e njeh shumë mirë ambjentin dhe mentalitetin e Partizanit. Unë besoj se do bëj mirë. Tani për ne ka nisur një faqe e re, ta harrojmë atë çfarë kaloi. E treguam që në ndeshjen me Laçin, sigurisht që duhet akoma të punojmë në vazhdim. Mendoj që jemi në rrugën e duhur.

Përballja me Egnatian duel i vështirë?

Eshtë ndeshje e vështirë. Çdo ndeshje në këtë moment është e vështirë. Ne do mundohemi të japim maksimumin në këtë ndeshje. Sfida e parë luhet në Rrogozhinë dhe kjo është gjë e mirë, sepse ndeshjen e kthimit e luajmë në shtëpinë tonë. Të japim më të mirën që në ndeshjen e parë për ta patur më të lehtë ndeshjen e kthimit.