Kevin De Bruyne drejt Arabisë Saudite? Negociatat kanë nisur

Neom Sports Club, skuadra që kryeson kategorinë e dytë në Arabinë Saudite, nuk ka në shënjestër vetëm mesfushorin italian të Arsenalit, Jorginho, por po synon edhe një tjetër ‘yll’ të madh: Kevin De Bruyne.

Sipas raportimeve të ‘FootMercato’, klubi saudit po shqyrton transferimin e mesfushorit belg të Manchester City, i cili më 30 qershor do të jetë lojtar i lirë.

Madje, bisedimet kanë nisur dhe De Bruyne ka shprehur gatishmërinë për të kaluar në Saudi Pro League.

Kevin De Bruyne – Karriera dhe trofetë

I lindur në Drongen, Belgjikë, më 28 qershor 1991, ai e nisi karrierën e tij me KVV Drongen në 1997, për tu bashkuar me Gent në 2005 dhe për të debutuar si profesionist në 2008.

Në 2012, kaloi te Chelsea, ku qëndroi tri sezone, më pas te Wolfsburg në 2014 dhe Manchester City në 2015.

Gjatë karrierës së tij, ai ka fituar:

6 Premier League

5 League Cup

2 FA Cup

3 Community Shield

1 Champions League

1 Superkupë UEFA

1 Kupë Bote për Klube

1 DFB Pokal (me Wolfsburg)

1 Superkupë të Gjermanisë

1 Kampionat Belg

Nëse transferimi konkretizohet, De Bruyne do të bëhej një nga ‘yjet’ më të mëdhenj që i bashkohen Arabisë Saudite këtë verë.