Guardiola ka dyshime

Skuadra e Manchester City zbriti sërish në vendin e pestë pas fitores së Chelsea dje në kampionat.

Trajneri i “citizens”, Pep Guardiola, duke folur për garën e fortë në Premier League për një vend në katërshe, komentoi situatën.

“Kemi pasur beteja shumë të vështira në këtë periudhë, por ne e dimë se si ta bëjmë këtë gjë.

Në të kaluarën, përveç sezonit të parë dhe një sezoni kur Liverpool ishte shumë i fortë, gjithnjë kemi luftuar për titullin”, tha Guardiola.

“Kjo është hera e parë, krahas sezonit të parë që isha këtu, që na është dashur të luajmë për t’u kualifikouar në Champions League. Do të doja të thosha se do t’ia dalim mbanë, por skuadra duhet të vazhdojë të fitojë”, tha spanjolli.

Në fund, Guardiola komentoi: “Në sezonet e mëparshme kur duhet ta bënim këtë gjë ia kdmei dalë mbanë. Por, këtë sezon nuk kemi qëndrueshmëri të mirë për të thënë se do të ndodhë”.