Laporta shpall objektivat:

Presidenti i Barcelonës, Jona Laporta, foli për shtypin pasi mori pjesë në një ekspozitë fotografike që ka pasqyruar 30 vitet e punës së “Fundació Barça”. Ai iu përgjigj gazetarëve në lidhje me lajmet e fundit që qarkulluan për federimin e Dani Olmos dhe Pau Viktor dhe vendimit të CSD-së në favor të klubit.

“Sigurisht që ishim të shqetësuar. Lajmi doli para ndeshjes kundër Atletikos dhe kjo na shqetësoi edhe më shumë. Tashmë e dimë se si shkon kjo punë. Për mua është një përpjekje për të destabilizuar ekipin. Kur del ky lajm, lojtarët dhe trajneri shqetësohen dhe mund të na destabilizojë”, tha Laporta. Megjithatë, ai theksoi aftësinë, forcën dhe karakterin e ekipit për të reaguar.

“Fatmirësisht, lojtarët mbetën të fortë dhe e kuptuan se për çfarë bëhej fjalë, se asgjë nuk do të ndodhte sepse regjistrimet e Dani Olmo dhe Pau Viktor u kryen në mënyrë korrekte, ne ndoqëm të gjitha kërkesat e federatës dhe La Liga”-s, tha presidenti.

Lidhur me ecurinë e skuadrës së Barcelonës, Laporta shprehu kënaqësinë e tij për sezonin që po kalon, duke ruajtur vendin e tyre në të gjitha garat dhe u dërgoi një mesazh tifozëve për atë që i pret në këtë fazë finale.

“Lërini ta shijojnë këtë moment, në të cilin Barça ka një ekip që lufton në të gjitha garat. Ata gjithashtu po shfaqin futboll shumë cilësor. Ne kemi një trajner të madh që di të menaxhojë ekipin në një mënyrë të jashtëzakonshme.

Ai vetë thotë se nuk ka titullarë apo zëvendësues, ata janë një grup profesionistësh që japin gjithçka për ekipin. Më pëlqen që ai thotë se të ëndërrosh është e lejuar. Ky ka qenë një sezoni i tensionuar, në të cilin janë kapërcyer shumë vështirësi.

Edhe trajneri Hansi Flik e ka vuajtur të gjithë këtë. Por së bashku po ia dalim dhe jam i bindur se nuk do të mund të na ndalin në rrugën tonë drejt suksesit”. Barça vazhdon të konsolidojë lidershipin e saj dhe ruan aspiratat e saj për të fituar të tre titujt në lojë.