Reijnders shqetëson Milanin

Sipas asaj që raporton ‘Sky Sport’, Tijjani Reijnders nuk është stërvitur sot në Milanello për shkak të një gjendjeje të keqe shëndetësore (dhimbje stomaku).

Nesër Milani do të zhvillojë një seancë të fundit stërvitore dhe do të merret një vendim nëse holandezi do të përfshihet apo jo në listën e të grumbulluarve për sfidën kundër Fiorentinës, e cila do të luhet të shtunën mbrëma në ‘San Siro’.

Sa i përket formacionit që zbriti në fushë nga minuta e parë të mërkurën, në derbin e Kupës së Italisë, ndaj Fiorentinës priten disa ndryshime në 11-shen e Milanit.

Në mbrojtje pritet të rikthehet Tomori (më i favorizuar se Gabbia) dhe do të formojë çiftin e qendrës me Thiaw.

Për pjesën tjetër: në portë do të jetë Maignan, ndërsa mbrojtja do të plotësohet nga Walker dhe Theo Hernandez në krah.

Në mesfushë do të jenë Fofana dhe Reijnders (përdorimi i tij mbetet ende i mundshëm pavarësisht problemeve të fundit).

Në sulm, një mundësi për Chukwuezen në të djathtë, ndërsa prapa sulmuesit do të jenë Pulisic në qendër dhe Leao në të majtë. Abraham do të jetë sërish sulmuesi titullar, me Gimenez që do ta nisë sërish nga stoli.

Të padisponueshëm: Emerson Royal dhe Loftus-Cheek.