Kane: Interi festoi sikur u kualifikua

Bayern Munich pësoi humbjen e parë në shtëpi në katër vjet të martën, duke pësuar një humbje 2-1 kundër Interit në ndeshjen e parë çerekfinale të Ligës së Kampionëve.

Sulmuesi anglez Harry Kane pati një mundësi të madhe për të hapur ndeshjen në pjesën e parë, por gjuajti jashtë portës, ndërsa Lautaro Martinez nuk e humbi rastin e tij pak minuta më vonë duke i dhënë epësinë kampionëve të Italisë.

“Lojë e vështirë, Interi është një ekip shumë i mirë, por unë mendoj se ne ishim në kontroll për periudha të mëdha, veçanërisht në pjesën e dytë,” theksoi Kane pas ndeshjes,.

"Mendova se ishte një paraqitje dominuese. Është zhgënjyese të pranosh mënyrën se si bëmë. Natyrisht, kjo lë një ndjenjë të keqe. Gjithmonë duhet të besojmë se mund ta kthejmë atë. Ne jemi një ekip i rrezikshëm kundër çdo kundërshtari. E di që ata festuan sikur u kualifikuan, por gjithçka është për t’u luajtur. Është një gol dhe 90 minuta për të luajtur", shtoi sulmuesi anglez.

Ndeshja e kthimit do të luhet në “Giuseppe Meazza” javën e ardhshme, të mërkurën më 16 prill.

Thomas Muller shënoi golin e barazimit për Bayern Munich mbrëmë, por ai u zhvleftësua shpejt nga italiani Davide Frattesi, i cili fitoi ndeshjen për Interin në minutën e 88-të.