Napoli i Rrahmanit në mision për të mos lejuar arratisjen e Interit

Billy Gilmour pritet të vijë si startues në mesfushën e Napolit për të bashkëpunuar me kolegun ndërkombëtar Scott McTominay teksa skuadra e Antonio Contes që do të përballet me Empolin në një përpjekje për të shkurtuar diferencën mes tyre dhe Interit në krye të renditjes në Serie A.

“Partenopei” aktualisht janë gjashtë pikë larg liderit të ligës Inter, i cili mundi Cagliari 3-1 në “San Siro” të shtunën për të rritur epërsinë e tyre në krye të tabelë.

Antonio Conte është pa Giovanni Di Lorenzo dhe Andre-Frank Zambo Anguissa, të cilët morën kartonin e pestë të verdhë të sezonit gjatë barazimit 1-1 me Bologna javën e kaluar.

Me këtë çift jashtë, Pasquale Mazzocchi është në linjë për të startuar në krahun e djathtë, me Gilmour që pritet të startojë në treshen e mesfushës së bashku me McTominay dhe Stanislav Lobotka.

Alessandro Buongiorno është jashtë për shkak të një dëmtimi, dhe kështu Juan Jesus pritet ta zëvendësojë atë në qendërmbrojtës.

Empoli janë pa disa lojtarë për shkak të dëmtimit, më i fundit është Christian Kouame, sezoni i të cilit ka përfunduar pas një dëmtimi të ligamentit kruciat (ACL). Të padisponueshëm janë edhe Ardian Ismajli, Marco Silvestri, Youssef Maleh, Tino Anjorin dhe Pietro Pellegri.

Napoli-Empoli: Formacionet e mundshme

Napoli (4-3-3): Meret; Mazzocchi, Rrahmani, Jesus, Olivera; Gilmour, Lobotka, McTominay; Politano, Lukaku, Neres.

Empoli (3-4-2-1): Vasquez; Goglichidze, Marianucci, De Sciglio; Gyasi, Grassi, Henderson, Pezzella; Seb. Esposito, Fazzini; Kolombo.