Ylli i Serie-s A kërkon falje publike për përfshirjen në baste

Nicolo Fagioli, mesfushori i Fiorentinës , i cili po hetohet nga autoritetet për pjesëmarrje të dyshuar në një rrjet të paligjshëm bastesh, ka lëshuar një deklaratë të hënën në të cilën kërkon t’u jepet fund kritikave publike me të cilat po përballet këto ditë dhe u ka kërkuar falje shokëve dhe miqve të tij që janë implikuar.

Prokuroria e Milanos hapi një hetim të ri pasi shqyrtoi mesazhet private të lojtarit dhe zbuloi një rrjet të paligjshëm bastesh në internet që përfshin disa futbollistë.

“Kam paguar borxhin tim ndaj drejtësisë. Me një dënim dhe një skualifikim, me poshtërim të vazhdueshëm dhe të justifikuar, me turpin që ndjeva dhe me rrezikun që të mos ngrihem më kurrë. Unë kam mbajtur peshën e të bërit diçka të gabuar.

Duke i zhgënjyer të gjithë njerëzit që besuan në mua. U pendova, por jeta më dha një shans të dytë dhe do të doja të përfitoja nga kjo, pasi kisha kryer tashmë gjithçka që duhej të realizoja.

Kërkoj falje për të gjithë kolegët e mi, për të gjithë miqtë e mi që për gabimet e mia e gjejnë veten, pavarësisht vetvetes, të implikuar apo të emërtuar” ka thënë Faggioli.