Skandal, tre futbollistë të skuadrës shqiptare ndalohen në stacionin e policisë në Maqedoninë e Veriut

Incidenti i djeshëm i qiti hije të keqe derbit mes skuadrave shqiptare në Kampionatin e Maqedonisë së Veriut, mes kampionit në fuqi Struga Trim Lum dhe Gostivari. Ndeshja që u mbyllë baras (1:1) në kuadër të javës së 28-të të Ligës së Parë të Maqedonisë së Veriut.

Pas përfundimit të ndeshjes, në dalje të stadiumit në Strugë ndodhi një rrëmujë e madhe, ku u përfshinë anëtarë të të dy kampeve.

“3 futbollistë tanë dhe 1 anëtar i stafit janë ndaluar në stacionin policor të Strugës për 5 orë. Ata nuk lejohen të shohin gratë ose shokët e tyre të skuadrës.

Drejtuesi i ekipit dhe drejtori ynë sportiv kanë pritur në të ftohtë para komisariatit për orë të tëra për të marrë lajme nga lojtarët", - thuhet nga KF Gostivari.