Fenerbahce e pëson në minutën e 90+4 dhe tani është -5 pikë nga Galatasaray

Fenerbahce ka zhgënjyer në shtëpi duke barazuar 3-3 në sfidën ndaj Kayserispor, e vlefshme për javën e 30-të në Superligën turke. Miqtë shënuan të parët që në minutën e 7′ me Civelek.

Fenerbahce barazoi shfrat me Talisca-n në minutën e 35-të. Pjesa e parë u mbyll 1-1, ndërsa pjesa e dytë solli edhe 4 gola të tjerë. Livakovic në fillim të pjesës së dytë shënon autogol në portën e tij, portieri kroat ishte i pafat pasi topi që goditi traversën u përplas në shpinën e tij dhe përfundoi në rrjetë.

Saint-Maximin barazoi shifrat 2-2 në minutën e 63-të, ndërsa Talisca do ekzekutonte saktë penalltinë në minutën 79-të dhe do të kalonte në avantazh për herë të parë ekipin e tij.

Në minutat e fundit, Kayserispor barazoi shifrat 3-3, duke përfituar nga një mungesë vëmendje e mbrojtes vendase ku Sariarslan dërgon me kokë topin në rrjetë në minutën e 94-të.

Jose Mourinho nuk iu beson dot syve dhe është i “tërbuar” me të tijtë që nuk arritën dot të mbronin fitoren. Pas këtiji barazimi, Fenerbahce mbetet në vend të dytë me 5 pikë më pak se Galatasaray i vendit të parë.