Skënderbeu mund Partizanin dhe do të përfaqësojë Shqipërinë në UEFA Youth League

Skuadra e Skënderbeut U-19 është shpallur kampione e ‘Abissnet Superiore’ për sezonin futbollistik 2024/2025.

Korçarët fituan ndaj 2-1 Partizanit në aneksin e stadiumit “Skënderbeu”, në një ndeshje vendimtare që përcaktoi fatin e kampionatit.

Partizani kaloi i pari në avantazh dhe pjesa e parë u mbyll me rezultatin 0-1 për të kuqtë.

Megjithatë, në pjesën e dytë, Skënderbeu përmbysi rezultatin duke realizuar dy gola dhe siguroi fitoren e madhe.

Skuadra korçare e mbylli kampionatin në vendin e parë me 36 pikë pas 26 ndeshjesh të zhvilluara. Kampionati për këtë kategori u organizua në dy faza të rregullta, për të vijuar më pas me fazat “play-off” dhe “play-out”, ku ekipet luftuan për titullin dhe për mbijetesën.

Trofeu iu dorëzua kampionëve nga anëtari i Komitetit Ekzekutiv të FSHF-së, Ylli Çekiçi. Pas kësaj fitoreje, Skënderbeu do të përfaqësojë Shqipërinë në UEFA Youth League.