Liverpooli bëhet krejt i kuq

Skuadra e Liverpoolit sot luan ndaj Tottenham Hotspur, ndeshjen e vlefshme për javën e 34-të në Premier League.

Në rast se skuadra “The Reds” shënon fitore sot do të shpallet kampion për sezonin 2024/25.

Për këtë arsye, sot në rrugët e qytetit të Liverpoolit po mbizotron një atmosferë tejet e zjarrtë e krijuar nga tifozët e kuq.

Disa orë para se të fillojë ndeshja, shumë tifozë tashmë kishin mbërritur afër stadiumit “Anfield” vetëm për t’i pritur lojtarët.