Partia e ekstremit të djathtë ndalon valëvitjen e flamujve të huaj në këshillat që kontrollon, lejohet vetëm ai britanik dhe anglez

Flamujt ukrainas do të ndalohen së valëvituri mbi ndërtesat e këshillave në autoritetet e kontrolluara nga partia e ekstremit të djathtë në Mbretërinë e Bashkuar, “Reform UK”.

Zia Yusuf, kryetari i partisë, shkroi sot në mediat sociale: “Këshillat angleze të kontrolluara nga Reforma do të veprojnë me shpejtësi për të vendosur që të vetmit flamuj që lejohen të valëviten në ose brenda ndërtesave të tyre do të jenë flamuri i Union Jack (flamuri britanik) dhe ai i Shën Gjergjit (flamuri anglez).

“Asnjë flamur tjetër nuk do të lejohet të valëvitet në shtyllat e flamujve, ballkonet, tavolinat e pritjes ose muret e dhomave të këshillave”, shkroi ai.

Kjo do të ndalojë flamuj të ngjashëm me ata ukrainas, palestinezë, të Krenarisë ose të tjerë në majë të ndërtesave qeveritare.

Kjo vjen pasi partia e Nigel Farage fitoi qindra vende në këshille në fund të javës së kaluar, duke marrë kontrollin e këshillave dhe bashkive për herë të parë.