Pretenduan se janë të sëmurë, por në fund Vuçiq e Fico shkojnë te Putin

Dy miqtë e Vladimir Putin “u sëmurën” papritmas ditëve të fundit, por shumë shpejt “u shëruan” dhe sot shkuan në Moskë për të marrë pjesë në paradën e agresorit të Ukrainës – Vladimir Putin më 9 maj.

Presidenti serb Aleksandar Vuçiq u sëmurë pasi nuk u lejua të takohej me presidentin e SHBA-së Donald Trump në Florida, për të cilin kishte pretenduar se do ta takojë dy herë.

Pas u kthye në Beograd, presidenti serb u shtri shpejt në spital dhe mjekët e tij thanë se ai nuk do të jetë në gjendje të plotë të kryejë aktivitetet e rregullta ditëve të ardhshme.

Kryeministri sllovak Robert Fico në po thuajse të njëjtën periudhë kohore u tërhoq nga jeta publike, duke mbajtur sekret arsyet, që nxitën spekulime për gjendjen e përkeqësuar shëndetësore pas atentatit kundër të tij vitin e kaluar.

Lituania ka mbyllur hapësirën e saj ajrore për avionët që transportojnë liderët sllovakë dhe serbë në Moskë për një paradë ushtarake për të shënuar fitoren në Luftën e Dytë Botërore, tha të mërkurën presidenti Gitanas Nauseda.

Kryeministri sllovak Fico dhe presidenti serb Vuçiq janë ndër liderët që pritet të marrin pjesë në festimet e Ditës së Fitores në Moskë, me gjithë thirrjet e BE-së që të mos marrin pjesë për shkak të agresionit të gjerë ushtarak rus ndaj Ukrainës.

"Vendimet janë negative," tha Nauseda në një video të postuar në portalin 15min, duke iu përgjigjur një pyetjeje në lidhje me lejen e fluturimit për dy liderët.

Avionët që fluturojnë midis Rusisë dhe Evropës kanë përdorur përgjithësisht hapësirën ajrore të Lituanisë që kur linjave ajrore evropiane iu tha në vitin 2021 të shmangnin një rrugë më të shkurtër mbi Bjellorusi si pjesë e masave ndëshkuese kundër Minskut për ngritjen e një avioni luftarak për të detyruar një aeroplan të Ryanair të ulet.

Hapësira ajrore e Ukrainës, një tjetër rrugë më e shkurtër, është mbyllur që nga viti 2022 për shkak të pushtimit rus. Lituania, e cila ndan një kufi me Rusinë dhe aleatin e saj të ngushtë Bjellorusinë, është një nga mbështetësit më të fortë të Ukrainës në Bashkimin Evropian dhe NATO.

Nauseda tha se arsyeja e ndalimit ishte ndërhyrja me sinjalet GPS në rajon. Ai nuk përmendi burimin e mundshëm të ndërhyrjes, për të cilën disa vende evropiane kanë fajësuar më parë Rusinë.

“Siguria e të gjithë njerëzve që udhëtojnë nëpër Lituani, përfshirë liderët, është prioriteti ynë më i lartë, kështu që ne morëm këtë vendim”, tha Nauseda.

Vuçiq mbërriti në Moskë nëpërmjet aeroportit të Baku – Azerbajxhan.