Jose Mourinho arrin marrëveshje me Kombëtaren e Portugalisë?

Jose Mourinho po largohet nga Fenerbahce në fund të këtij sezoni dhe tashmë ka gjetur vendin e ri të punës.

Siç raportojnë mediat në Turqi (Haberturk), Mourinho ka arritur marrëveshje me Kombëtaren e Portugalisë.

Jose pritet të emrohet trajner i Portugalisë pas ndeshjeve finale të UEFA Nations Leagues.

Portugezi ka kontratë me ekipin e Fenerbahces, por raportohet se do të largohet me marrëveshje të dyanshme, që do të thotë se Portugalia s’duhet të paguajë për lirimin e tij.

Kujtojmë se Portugalia është në gjysmëfinale të UEFA Nations League dhe në qershor luan ndaj Gjermanisë. Kurse në fazën e grupeve të kualifikimeve për Kupën e Botës 2026, është në grupt me: Irlandën, Armeninë dhe Hungarinë.