Materazzi: Titulli kampion për Interin do të ishte si dhuratë që vjen nga qielli

Marco Materazzi analizon situatën e titullit në Serie A, teksa dy javë para fundit të sezonit, Napoli i Antonio Contes kryeson me vetëm një pikë më shumë se Interi. Në një intervistë për “Gazzetta dello Sport”, ish-mbrojtësi i Interit dhe kampion bote me Italinë në vitin 2006, komentoi:

“Me një renditje të tillë, kur kanë mbetur vetëm dy javë, një gjë është e sigurt: gjithçka e mirë që mund t’i ndodhë Interit, si titulli kampion, do të ishte si dhuratë që vjen nga qielli.

Nuk do të thotë e pamerituar, por krejtësisht e papritur”.

Materazzi shtoi: “Në të vërtetë kam edhe një siguri tjetër: nëse Napoli bën një hap fals dhe Interi fiton titullin, do të ishte shtysë e madhe për finalen e Champions-it që nuk mund të matet”.

Në fund, “Gazzetta” kujton edhe kalendarin e dy skuadrave rivale, duke lënë të kuptohet se çdo detaj mund të jetë vendimtar në këtë garë titulli të zjarrtë.

Napoli
Java e 37-të: Parma – Napoli
Java e 38-të: Napoli – Cagliari

Interi
Java e 37-të: Inter – Lazio
Java e 38-të: Como – Inter