Ten Hag kandidat për postin e trajnerit të gjigantit evropian

Ish-trajneri i Manchester United, Erik ten Hag, është një kandidat kryesor për tu rikthyer te Ajax, raportojnë mediat holandeze.

Pas një përfundimi në vendin e dytë në Eredivisie holandeze, trajneri italian Francesco Farioli njoftoi largimin e tij nga Ajax të hënën, duke përmendur mosmarrëveshjet me bordin ekzekutiv për disa çështje kritike si arsyen e largimit të tij.

Sipas gazetës holandeze “De Telegraaf”, ish-trajneri Erik ten Hag është në listën e ngushtë me dy emra të klubit për të zëvendësuar Fariolin. Ish- trajneri i Manchester United drejtoi Ajax gjatë ditëve të tyre më të arta të fundit midis viteve 2018 dhe 2022, një kohë në të cilën ata fituan tre tituj Eredivisie, dy herë KNVB Beker dhe arritën në gjysmëfinalet e Ligës së Kampionëve UEFA 2018/19.

Ten Hag ka qenë pa punë që nga largimi i tij i detyruar nga Manchester në nëntor 2024. Gjatë dy viteve të tij te Manchester United, Ten Hag fitoi Kupën e Ligës në vitin 2023 dhe Kupën FA në vitin 2024.

Emri tjetër në listën e ngushtë të Ajax është ai i trajnerit të Go Ahead Eagles, Paul Simonis. Holandezi 40-vjeçar mori drejtimin e Go Ahead Eagles nga Rene Hake, i cili u largua nga klubi në verën e vitit 2024 për të ndihmuar Erik ten Hag te Manchester United.

Sipas “De Telegraaf”, Ten Hag dhe Simonis kanë pasur tashmë diskutime me Ajax në rast se Farioli largohet nga klubi.