Viktor Orban në telashe të mëdha, rivali i tij rrit epërsinë në sondazhe

Partia Fidesz, e udhëhequr nga kryeministri hungarez Viktor Orban, mund të gjendet në telashe të mëdha vitin e ardhshëm për faktin se partia më e madhe opozitare, Tisza, po rrit epërsinë e saj në sondazhe.

Sipas një sondazhi të portalit Europe Elects, Fidesz është vetëm 36% e popullarizuar në mesin e qytetarëve hungarez, që është një rënie prej 19% në krahasim me situatën e disa viteve më parë, kur ishte partia më e njohur në Hungari.

Nga ana tjetër, edhe pse u formua vetëm katër vjet e gjysmë më parë, partia Tisza, e udhëhequr nga Peter Magyar, tani ka arritur deri në 43% në sondazhet e fundit, rezultati i tyre më i mirë deri më sot.

Kur marrim parasysh gjithashtu se partia DK, ose Koalicioni Demokratik, ka mbështetje 9%, këto rezultate mund të krijojnë një problem të madh për Orbanin.

Bëhet e ditur se kryeministri hungarez është në pushtet në këtë vend që nga viti 2010.

Orban dhe Fidesz kanë nisur një konfrontim të hapur me grupet që i konsiderojnë armiqtë e tyre politikë.

Megjithëse Fidesz vazhdoi të fitonte zgjedhjet në Hungari, sistemi i qeverisjes së Orbanit, të cilin ai e quajti një “demokraci joliberale”, krijoi një hapësirë ​​për një parti më të fortë opozitare dhe Magyar, një ish-anëtar i partisë më të madhe të Hungarisë, përfitoi prej tij.

Ndryshe, që nga viti 2020, partia e tij Tisza ka pasur një rritje të vazhdueshme dhe ka mundësi ta marr qeverinë në prill të vitit të ardhshëm, kur do të mbahen zgjedhjet parlamentare në Hungari.