De Bruyne, dhurata e parë te Napoli pas titullit?

Napoli vazhdon të shtyjë fort për të arritur te Kevin De Bruyne. Klubi “axurr”, sapo shpallur kampion i Italisë për herë të katërt në histori, i ka paraqitur një ofertë zyrtare yllit belg, i cili do të largohet nga Manchester City me parametër zero. Presidenti Aurelio De Laurentiis e ka konfirmuar personalisht interesimin e madh të Napolit për De Bruyne.

Detajet e ofertës për De Bruyne:

Bonus në momentin e firmës – Sipas raportimeve të gazetarit Matteo Moretto, Napoli i ka ofruar përfaqësuesit të De Bruyne një bonus prej 10 milionë eurosh në momentin që nënshkruan kontratën.

Kohëzgjatja e kontratës – Kontrata do të jetë dyvjeçare me opsion për një vit të tretë, që do të thotë se belgu mund të qëndrojë në Napoli deri në verën e vitit 2028.

Paga:

6 milionë euro neto në sezon për dy vitet e para

5 milionë euro në sezon nëse aktivizohet vitin e tretë

Operacioni total – Në total, operacioni kap vlerën e 27 milionë eurove (bonus + pagë), një ofertë shumë e fortë për të bindur mesfushorin belg.

Fjalët e De Laurentiis – “Qëllimi ynë është ta marrim, por duhen dy palë për ta bërë këtë”, – ka deklaruar presidenti i Napolit për “Il Mattino”.

De Bruyne i hapur për transferimin – Sipas “Sky Sport”, De Bruyne ka dhënë pëlqimin e tij për kalimin te Napoli, ditët në vijim pritet që përfaqësuesit e tij të zbresin në qytet për të finalizuar marrëveshjen. Madje, po kërkohet edhe një vilë në Napoli ku familja e tij do të jetojë.

Nëse transferimi realizohet, De Bruyne do të jetë goditja më e madhe në historinë moderne të Napolit, një sinjal i qartë se projekti i Antonio Contes dhe De Laurentiis është ambicioz dhe serioz.