Alonso: Reali është maja për një trajner, Perez frymëzues

E gjithë vëmendja në Madrid është te Ksabi Alonso. Trajneri i ri i “Los Blancos” është personazhi më i kërkuar në mediat spanjolle, sepse të gjithë duan të mësojnë diçka më shumë Ksabit si trajner. Këtë herë ai iu përgjigj disa pyetjeve të “Real Madrid TV”.

Në një përmbledhje të ndjenjave të tij, ai kujton karrierën e tij dhe si e sheh Florentino Pérezin.

Çfarë do të thotë Real Madrid? Klubi më i mirë! Për dikë që e do futbollin, Reali i Madridit është klubi më i lakmuar, ovjektivi i jetës, për shkak të madhështisë, historisë, të tashmes dhe ambicies e përsosmërisë për të cilën përpiqemi.

Të shtyn gjithmonë të përpiqesh të përmirësohesh, të japësh pak më shumë, dhe pastaj ekziston ndjesia që ekziston në të gjithë botën. Kam qenë në vende të ndryshme, mund të jem në Spanjë ose jashtë saj dhe gjithmonë ka tifozë të Realit të Madridit në të gjithë botën dhe kjo ndihmon shumë për të krijuar një ndjenjë të përbashkët.

Çfarë mendoni për 15 Kupat e Europës? Është historia që e ka bërë këtë klub të madh dhe për këtë arsye gjeneron pasionet dhe emocionet që dëshirojmë vit pas viti, që është bukuria e futbollit. Por kjo gjithashtu do të thotë sfida e mrekullueshme e të qenit këtu për të arritur më shumë.

Çfarë mund të thoni për Florentino Perezin?

Ai është një person që ka arritur ta çojë Realin e Madridit në situatën në të cilën ndodhemi. Ai ka pasur vizionin, inteligjencën dhe aftësinë për t’u bashkuar dhe për të marrë vendime të rëndësishme. Është shumë frymëzuese të kesh Florentinon si president. E shihni që ai po e çon klubin përpara dhe klubi, sipas vizionit të tij, po shkon në drejtimin e duhur. Secili prej nesh në klub duhet të kontribuojë edhe ai. Ai është figura themelore e këtij klubi.

Si i kujtoni fillimet tuaja? Ishte përvoja ime e parë si trajner dhe njeh veten. I mbaj mend shumë mirë djemtë me të cilët fillova dhe i dua shumë. Me shumë mundësi, do t’i shoh disa prej tyre së shpejti. Ende kam pak nga ajo energji, pasion, dëshirë dhe dashuri për lojën. Mundohem t’ua përcjell këtë ide lojtarëve, por gjatë rrugës kam pasur tashmë përvojë si trajner.

Po vij këtu i etur për të shijuar të njëjtat gjëra që kemi pasur dhe jam i sigurt se do të jetë kështu, sepse skuadra është e klasit të parë.

Do të përpiqem të sigurohem që të gjithë të ndërtojmë një ekip, diçka për të cilën jemi krenarë dhe që frymëzon entuziazëm.

Dua që njerëzit të entuziazmohen për ekipin dhe t’u pëlqejë ajo që shohin, dhe pastaj të vijë koha për të festuar dhe për të fituar tituj.

Po koha juaj me Real Madridin? Unë mbaj shumë kontakt me këta njerëz. Ishin vite shumë intensive. Klubi kishte nevojë për një nxitje në një nivel konkurrues. Pastaj morëm “Décima”-n, e cila ishte kulmi i një procesi pas diçkaje që kishte qenë e vështirë për ne, dhe për këtë arsye kishte shije kaq të mirë. Që atëherë, klubi ka qenë në një periudhë shumë të mirë gjatë viteve, kjo është pjesa e vështirë, dhe tani është koha për të filluar përsëri.