Theo Hernandez në dilemë

Theo Hernandez është në dilemë nëse duhet të zgjedhë paratë apo pasionin. Al-Hilal po përgatit një ofertë të majme për të tunduar mbrojtësin e majtë të Milanit, që përfshin një pagë “monstruoze” në Arabinë Saudite.

Sipas ekspertit të merkatos, Gianluigi Longari, Al-Hilal ka nisur kontaktet e para me agjentët e francezit.

Njëri prej tyre sot në darkë do të takohet me Igli Taren për të kuptuar qëllimet e Milanit.

Tare është i hapur për shitjen e mbrojtësit, sepse kontrata e tij skadon në qershor të vitit 2026 dhe Milani nuk do ta humbasë me parametra zero. Theo Hernandez ka oferta edhe nga Bayern, Arsenal, Tottenham dhe PSG.